Модельдік балалар кітапханасының мамандары «Хәрри Поттер» сериясының қазақ тіліндегі тұңғыш басылымына арнап,виртуальды шолуын ұсынады. Әлемдік балалар әдебиетінің жауһарына айналған «Хәрри Поттер» топтамасының «Хәрри Поттер мен пәлсапа тас»,«Хәрри Поттер мен жасырын бөлме», «Хәрри Поттер мен Азкабан тұтқыны», «Хәрри Поттер мен от-сауыт» атты кітаптары тұңғыш рет қазақ тілінде жарық көрген еді. Айта кетейік, британ жазушысы Жоан Роулиң ойлап тапқан сиқыршы бала Хәрри Поттер мен оның сиқыр әлемі туралы еңбектерді қазақ тілінде басып шығару құқығы Steppe & WORLD Publishing баспасына тиесілі. Әлемдік бестселлердің қазақ тілінде сөйлеуі – үлкен нәтиже. Модельдік балалар кітапханасының оқырмандары да дүниежүзілік кітапсүйер қауымның жүрегінен айырықша орын алған Хәрри Поттер сериясының қалған кітаптарын асыға күтетініне сенеміз.
