«Кітапхана ашық идеялар әлемі» кітапхана түні

Қазақ елінің аты аңызға айналған ұлы, жерлесіміз Балуан Шолақтың 160 жылдығын мерекелеу аясында Балуан Шолақ  өмір жолымен танысып,  бос уақыттың бір түрі ретінде кітап пен кітап оқуды кеңінен насихаттау, демалыстың алуан түрін кеңінен қарастырып,  кәсіби ынтымақтастықтың, серіктестіктің және қоғаммен өзара әрекеттестіктің жаңа нысандарын енгізу мақсатында модельдік орталық аудандық кітапханада «Кітапхана ашық идеялар әлемі» атты кітапхана түні өтті.

Шараға Жастар ресурстық орталығы, қаламыздың №1 және №2  жалпы білім беретін  мектептің 9 сынып оқушылары қатысты. Бұл кеште қатысушылар кітапхананың ғажайып әлеміне келіп, түрлі аймақтарды аралап, Б.Шолаққа арналған «Тау тұлғалы талант» қойылымы тамашалады. Балалар шығармашылық үйірмесінің басшысы Қазбек Боранбайұлы «Ғалия» әнін орындап шараға ерекше көңіл күй сыйлады. «Кітап патшалығына қош келдіңіз» атты кітап кешіне қатысты. «Жаңа идеялар отшашуы» библиоплэнеріне қатысып, жасанды интеллектпен танысты. «Поэзия жырлайды» әдеби кафесінде поэзия сүйер қауыммен кездесті. Шам жарағында олар өздерінің сүйікті шығармаларын оқыды. Келесі аймақта қатысушылар «Кім жылдам» кітапхана викторинасының сұрақтарына жауап берді. Қатысушылар үшін модельдік балалар кітапханасының коворкинг орталығында кофе-брейк ұйымдастырылды. Шара соңында «Үстел ойындарын ойнау» ойын бағдарламасы өткізілді.