«Тарихқа оралу» тарихи экскурсия

      9 қаңтарда ауданымыздың құрылғанына 100 жыл толды. Бұланды орталықтандырылған кітапхана жүйесінің модельдік орталық аудандық кітапханасында «Тарихқа оралу» жобасын жүзеге асыру аясында «Туған жер сырын ашады» атты тарихи экскурсия болып өтті. Шараға қаланың қарттары Жеүсіпбков Төлеубек Жүсіпбекұлы, Бұланды аудандық мұрағатының директоры Қожақанов Бектас Темірғалиұлы, ардагерлер кеңесінің төрайымы Тұртанова Биғайша Еслямбекқызы және №1 жалпы білім беретін мектептің 8-сынып оқушылары қатысты.

Шара барысында шақырылған қонақтар қаламыз бен ауданымыздың қалыптасуы мен дамуы туралы айтты. Мұрағат директоры өткен жылдардағы бірегей фотосуреттерді көрсетті. Балуан Шолақ мектеп-лицейінің 11-сынып оқушылары Бекмырза Саяжан мен Хамзина Лаураның орындауында туған жер туралы өлеңдер оқыды. «Менің туған жерім» атты кітап көрмесінде әдеби шолу жасалды.