Тарихымыздан дәстүр, ата - бабамыздан салт болып келе жатқан Ұлы мерекеміз - Наурыз мейрамы - еліміздің барша азаматтарының жақсы тілек, ерекше қуанышпен атап өтетін үлкен мейрамына айналуда.
Наурыз мерекесі қарсаңында Бұланды ОКЖ-нің аудандық кітапханасының маманы Сулайманова Айнұр мектеп-лицейдің 8 сынып оқушыларымен "Құтты болсын, әз Наурыз!" атты әдеби - музыкалық кеш өткізді. Шара барысында Наурыз мерекесінің тарихы туралы танымдық видео көрсетіліп, домбырада ән айтылып, салт – дәстүрге байланысты викторина ойнатылды. «Ұлыстың ұлы күні Наурыз» атты кітап көрмесіне шолу жасалды.
