Балаларды сиқырлы кітап әлеміне тарту мақсатында Модельдік балалар кітапханасы «Кітапханаға келіп-кітаппен достасамыз» атты саяхат өткізді.
«Балдырған»мектеп-балабақшасының 1-сынып оқушылары кітапханаға саяхат жасады. Іс-шараға мұғалім Тағыбаева Т.Е,көмекшісі Нурканова А.К.қатысты.Кітапханашы С.Нұрманова кітапханаға қуана енген балаларға кітап-сарқылмас қазына екенін, білімнің кітап арқылы берілетінін және кітаптың адам өміріндегі маңызы туралы мағлұматтар берді. Кітапхананың абонемент,оқу залы,кітап көрмелерімен , кітап сөрелеріндегі қызықты ертегілер,энциклопедиялар,танымдық кітаптармен таныстырды. Ұлтымыздың салт-дәстүрін насихаттайтын, он екі кітап және сөйлейтін қаламнан тұратын «Даналық әліппесі» кітабын балалар қызығушылықпен тамашалап,тыңдады.Кітапханашы ертегі кейіпкерлерін жасырып,ертегі желісі бойынша сұрақтар қойды. Балалар өздерін қызықтырған бұл ғажайып кітап әлеміне жазылуға ниет білдіріп,кітапханаға тағы да келетіндіктерін айтты.
