«Бір ел - бір кітап» Республикалық акциясы аясында, әрі ақын, әрі аудармашы, композитор, философ, өз заманының үлкен ойшылы болған, қазақ әдебиетін жаңа белеске көтерген, қазақ халқының көркемдік ойының үздік үлгілерін туғызған бірегей қаламгер Шәкәрім Құдайберді ұлының туғанына 160 жыл толуына орай, №5 орта мектебінің 9 сынып оқушыларымен «Халықтың қаhарман перзенті» тақырыбында портрет сағаты болып өтті.
Шара барысында орталық аудандық модельдік кітапхана маманы Сулайманова Айнұр ақынның өмірімен, шығармаларына толықтай тоқталып, Шәкәрім және әлем әдебиеті жайлы ой бөлісті. Оқушылар назарына «Еңлік –Кебек» дастанынан үзінді көрсетіліп, Ш.Құдайбердіұлының сөзіне жазылған «Бұл ән бұрынғы әннен өзгерек», деп аталатын әнін тыңдады. «Өмірлік шығармашылық кезеңдері» кітаптар көрмесіне шолу жасалды.
