Модельдік балалар кітапханасының мамандары- Ұлы Жеңістің 80 жылдық мерей тойына арналған «Ұрпақтар ұмытпайтын Ұлы Жеңіс» атты әдеби сағат өткізілді.

Соғыс – адамзаттың ең қорқынышты құбылысы. Ұлы Отан соғысындағы Жеңіс орасан зор шығынмен келді. Біз мұны әрқашан есте сақтауымыз керек. Бұланды орталықтандырылған кітапханалар жүйесінің модельдік орталық аудандық кітапханасында Ұлы Жеңістің 80 жылдығына арналған «Ұлы Жеңіс жаңғырығы» атты естелік сағаты өтті. Ісшара жүргізушілері қазақстандықтардың Жеңіске қосқан үлесі, Ұлы Отан соғысы жылдарындағы қазақстандық қаһармандардың ерен еңбектері, тыл еңбеккерлерінің қажырлы еңбегі, Кеңес Одағы Батырларының ерліктері, жерлестеріміз И.К. Скуридин, И.Ф. Омигов, М.В.Яглинский, Н.Ф.Карацупа туралы көптеген мәліметтер айтты. Шақырылған қонақтар: Ардагерлер кеңесінің төрайымы, Ұлы Отан соғысына қатысушылардың балалары мен немерелері өз батырларының жауынгерлік жолдары туралы естеліктерімен бөлісті, фотосуреттерді, альбомдарды және соғыс жылдарындағы ерлігі, батылдығы мен қайсарлығы үшін алған марапаттарын көрсетті. Балалар ордендер мен медальдарға, альбомдарға, соғыс туралы әдебиеттерге қызығушылықпен қарап, жерлестеріміз, Кеңес Одағының Батырларының құжаттары мен фотосуреттері жинақталған папкаларға ерекше назар аударды. Кабдуллина Роза Кабиденқызы Роберт Рождественскийдің «Реквием» поэмасын оқыды. Іс-шарада «Біздің есімізде. Біз құрметтейміз. Біз мақтан етеміз» және «Жерлестеріміздің ерлігі» бейнероликтері көрсетілді. «Отты жылдар естелігі» атты кітап көрмесінде әдебиеттерге шолу жасалды.

7 мамыр - Отан қорғаушылар күніне орай модельдік орталық аудандық кітапханасында «Нағыз ер азаматтар Отанға қызмет етеді» тақырыбында патриоттық сағат өткізілді. Іс-шара патриоттық бейнеролик көрсетумен басталды, онда Қазақстан Республикасының Қарулы Күштерінің тарихы мен қазіргі жетістіктері баяндалды. Шара жүргізушілері қатысушыларды Отан қорғаушылар күнімен құттықтап, бұл күннің маңыздылығын және шығу тарихын баяндады. Қатысушыларға төтенше жағдайдағы әрекеттерді бейнелейтін көрініс ұсынылды. Бұл бөлімде оларға нақты өмірлік жағдайлар ұсынылып және шешім қабылдау қабілеттері сыналды. Қатысушыларға әскери қызмет, патриотизм және азаматтық борыш туралы сұрақтар қойылып, олар өз пікірлерін білдірді. Іс-шара барысында патриоттық ән орындалып, көрермендерге рухани әсер сыйлады.

1 мамыр – Қазақстан халқының бірлігі күніне орай модельдік орталық аудандық кітапхана маманы ,Макинск қаласы мектеп-гимназиясының 9 сынып оқушыларымен «Қазақстан - татулық пен бірліктің ордасы» тақырыбында тәрбиелік бағыттағы іс-шара өткізді.

2025 жылғы 23 сәуір күні Бұланды орталықтандырылған кітапханалар жүйесінің модельдік орталық аудандық кітапханасында Ұлттық кітап күніне арналған “Кітап - алтын қазына” тақырыбында кітапханалық алаңы мерекелік іс-шарасы болып өтті.

Ұлыстың ұлы күні – Наурыз мейрамы қарсаңында модельдік орталық аудандық кітапханада модельдік балалар кітапханасымен бірлесіп «Айналайын» жасөспірімдер клубы мүшелерінің, Макинск қаласы гимназия мектебінің 7 сынып оқушыларының қатысуымен «Ұлттық мереке — ұрпаққа өнеге» тақырыбында салт-дәстүр сағаты болып өтті. Іс-шара шашу шашылып,ән айтумен басталды. Негізгі бөлімде ұлттық ойындар, наурыз мерекесінің тарихы, «Шашбау» тағу салты көрсетіліп, домбырада ән айтылып, бұрымды қыздар би билеп іс-шара жақсы көңіл күйде ұйымдастырылды. Қатысушылар ұлттық құндылықтар, ата-баба дәстүрі туралы көптеген мәліметтер алды.

17 сәуір – Дүниежүзілік гемофилиямен күрес күні. Гемофилия - бұл ауыр тұқым қуалайтын ауру, ол қан ұюының төмендеуімен сипатталады және буындарда, бұлшықеттерде және ішкі органдарда жиі қан кетулер мен қанталауы көрінеді, бұл тірек-қимыл жүйесінің ауыр зақымдалуына әкеледі. Әдетте бұл ауру ер адамдарға әсер етеді, ал әйелдер гемофилия тасымалдаушысы ретінде әрекет етеді. Гемофилия туралы мәлімет беру мақсатында модельдік орталық аудандық кітапхана маманы мектеп-гимназияның 11 сынып оқушыларымен «Гемофилия: алаңсыз өмір сүру» тақырыбында ақпараттық сағат өткізді.

Модельдік орталық аудандық кітапханада Ж.Ташеновтың туғанына 110 жыл толуына орай «Қазақ даласының батыры» тақырыбында тарихи портрет кітап көрмесі ұйымдастырылды. Кітапхана оқырмандары тақырып бойынша материалдар, кітаптар, энциклопедиялар топтастырылған көрмемен танысып, көптеген мәліметтер алды.

18 наурыз 11:00 де модельдік орталық аудандық кітапханада «Жылы сөзбен бір бірімізді жылытамыз» тақырбында ашық есік күні болып өтті. Іс - шараға 18 жастан асқан мүмкіндігі шектеулі жандар қатысты. Шара шашу шашылумен басталды. Негізгі бөлімде наурыз мерекесінің тарихы баяндалып, қатысушылар ұлттық ойындарға белсене қатысты. Іс – шара қызықты өтіп наурызға арналған дастарқанмен аяқталды. Белсенді қатысқан қатысушыларға тәтті сыйлықтар таратылды.