2025 жыл 19 қыркүйекте модельдік орталық аудандық кітапханада Жұмысшы мамандықтар жылы аясында еңбек күніне орай «Мен таңдаған мамандық» тақырыбында дөңгелек үстел болып өтті. Іс-шараға қаламыздың еңбек адамдары мен еңбек ардагерлері шақырылды. Шара барысында қонақтар өздерінің еңбек жолы, өмірлік тәжірибесі туралы әңгімелеп, жастарға еңбекқорлық пен жауапкершілік жөнінде кеңестер берді. Шара еңбек адамдарын құрметтеу және олардың халыққа қызметтері жолындағы үлесін дәріптеу мақсатында ұйымдастырылды.

5-ші қыркүйек күні модельдік балалар кітапханасында Қазақстан халқының тілдер мерекесіне орай Балуан шолақ атындағы мектеп-лицейінің 6 в сынып оқушыларының қатысуымен «Өзге тілдің бәрін біл, өз тіліңді құрметте» атты танымдық-ойын түріндегі іс-шара өткізілді. Қазақстан халқының тілдер күнін мерекелеудің басты мақсаты – жас ұрпақты көп тіл білуге баулу,өз ана тілін құрметтеуге тәрбиелеу және достықты дәріптеу болды. 

Қазақстан жыл сайын 2018 жылдан бастап домбыра күнін атап өтеді. Биыл домбыра күні 6 шілдеде атап өтіледі. Домбыра — халқымыздың жүрегінен шыққан әуен, ғасырлар бойы ұрпақтан-ұрпаққа жалғасқан қасиетті аспап. Оның үнімен бабаларымыз қуанды, мұңайды, жыр арнады, күй толғады. «Елім-ай» клубы аясында Ұлттық домбыра күніне арналған Модельдік балалар кітапханасында «Қасиетті домбыра» атты музыкалық-әдеби композиция ұйымдастырылды.

Модельдік балалар кітапханасының мамандары- Ұлы Жеңістің 80 жылдық мерей тойына арналған «Ұрпақтар ұмытпайтын Ұлы Жеңіс» атты әдеби сағат өткізілді.

Соғыс – адамзаттың ең қорқынышты құбылысы. Ұлы Отан соғысындағы Жеңіс орасан зор шығынмен келді. Біз мұны әрқашан есте сақтауымыз керек. Бұланды орталықтандырылған кітапханалар жүйесінің модельдік орталық аудандық кітапханасында Ұлы Жеңістің 80 жылдығына арналған «Ұлы Жеңіс жаңғырығы» атты естелік сағаты өтті. Ісшара жүргізушілері қазақстандықтардың Жеңіске қосқан үлесі, Ұлы Отан соғысы жылдарындағы қазақстандық қаһармандардың ерен еңбектері, тыл еңбеккерлерінің қажырлы еңбегі, Кеңес Одағы Батырларының ерліктері, жерлестеріміз И.К. Скуридин, И.Ф. Омигов, М.В.Яглинский, Н.Ф.Карацупа туралы көптеген мәліметтер айтты. Шақырылған қонақтар: Ардагерлер кеңесінің төрайымы, Ұлы Отан соғысына қатысушылардың балалары мен немерелері өз батырларының жауынгерлік жолдары туралы естеліктерімен бөлісті, фотосуреттерді, альбомдарды және соғыс жылдарындағы ерлігі, батылдығы мен қайсарлығы үшін алған марапаттарын көрсетті. Балалар ордендер мен медальдарға, альбомдарға, соғыс туралы әдебиеттерге қызығушылықпен қарап, жерлестеріміз, Кеңес Одағының Батырларының құжаттары мен фотосуреттері жинақталған папкаларға ерекше назар аударды. Кабдуллина Роза Кабиденқызы Роберт Рождественскийдің «Реквием» поэмасын оқыды. Іс-шарада «Біздің есімізде. Біз құрметтейміз. Біз мақтан етеміз» және «Жерлестеріміздің ерлігі» бейнероликтері көрсетілді. «Отты жылдар естелігі» атты кітап көрмесінде әдебиеттерге шолу жасалды.

7 мамыр - Отан қорғаушылар күніне орай модельдік орталық аудандық кітапханасында «Нағыз ер азаматтар Отанға қызмет етеді» тақырыбында патриоттық сағат өткізілді. Іс-шара патриоттық бейнеролик көрсетумен басталды, онда Қазақстан Республикасының Қарулы Күштерінің тарихы мен қазіргі жетістіктері баяндалды. Шара жүргізушілері қатысушыларды Отан қорғаушылар күнімен құттықтап, бұл күннің маңыздылығын және шығу тарихын баяндады. Қатысушыларға төтенше жағдайдағы әрекеттерді бейнелейтін көрініс ұсынылды. Бұл бөлімде оларға нақты өмірлік жағдайлар ұсынылып және шешім қабылдау қабілеттері сыналды. Қатысушыларға әскери қызмет, патриотизм және азаматтық борыш туралы сұрақтар қойылып, олар өз пікірлерін білдірді. Іс-шара барысында патриоттық ән орындалып, көрермендерге рухани әсер сыйлады.

1 мамыр – Қазақстан халқының бірлігі күніне орай модельдік орталық аудандық кітапхана маманы ,Макинск қаласы мектеп-гимназиясының 9 сынып оқушыларымен «Қазақстан - татулық пен бірліктің ордасы» тақырыбында тәрбиелік бағыттағы іс-шара өткізді.

2025 жылғы 23 сәуір күні Бұланды орталықтандырылған кітапханалар жүйесінің модельдік орталық аудандық кітапханасында Ұлттық кітап күніне арналған “Кітап - алтын қазына” тақырыбында кітапханалық алаңы мерекелік іс-шарасы болып өтті.

Ұлыстың ұлы күні – Наурыз мейрамы қарсаңында модельдік орталық аудандық кітапханада модельдік балалар кітапханасымен бірлесіп «Айналайын» жасөспірімдер клубы мүшелерінің, Макинск қаласы гимназия мектебінің 7 сынып оқушыларының қатысуымен «Ұлттық мереке — ұрпаққа өнеге» тақырыбында салт-дәстүр сағаты болып өтті. Іс-шара шашу шашылып,ән айтумен басталды. Негізгі бөлімде ұлттық ойындар, наурыз мерекесінің тарихы, «Шашбау» тағу салты көрсетіліп, домбырада ән айтылып, бұрымды қыздар би билеп іс-шара жақсы көңіл күйде ұйымдастырылды. Қатысушылар ұлттық құндылықтар, ата-баба дәстүрі туралы көптеген мәліметтер алды.

Жаңа туындыларға библиографиялық шолу// BULANDY AQPARAT – 2025. – 18 сәуір. – 2 б.